Kəhf - 18:56
Biz elçiləri ancaq müjdə verənlər və xəbərdarlıq edənlər olaraq göndərdik. Kafirlər, gerçəyi saxta və yanlış ilə ortadan qaldırmaq üçün səy göstərirlər. Ayələrimə və xəbərdar edildikləri şeylərə istehza etdilər.
Elçilərin ortaq xəbərdarlığı:
İbrahim/14:44
İnsanları, əzabın onlara gələcəyi gün barəsində xəbərdar et. Zalımlar, "Rəbbimiz, bizi yaxın bir vaxta qədər möhlət ver ki, sənin çağırışına qatılaq və elçilərə tabe olaq," deyəcəklər. Halbuki daha öncə siz, sonunuzun gəlməyəcəyinə dair and içməmişdinizmi?
Məryəm/19:39
Haqq-hesabın (sorğu-sualın) yekunlaşacağı Kədər Günü haqqında onları xəbərdar et. Onlar hələ də qəflətdədirlər, iman etmirlər.
Ğafir/40:18
Onları yaxınlaşan gün haqqında xəbərdar et, o zaman ürəklər qırtlaqlarda dayanmışdır, udqunurlar. Zalımlar üçün nə bir dost, nə də sözü dinlənilən bir şəfaətçisi vardır.
Nuh/71:1
"Onlara ağrılı-acılı əzab gəlməmişdən öncə xalqını xəbərdar et," deyə Nuhu xalqına göndərdik.
Naziat/79:42
Səndən, "Saat (dünyanın sonu) nə zaman gerçəkləşəcəkdir?" deyə soruşurlar.
Naziat/79:43
Onu bildirmək, (ey Muhəmməd) sənin görəvin deyildir.
Naziat/79:44
Onun qərarı Rəbbinə aiddir.
Naziat/79:45
Sənin görəvin, sadəcə ondan qorxanları xəbərdar etməkdir.
Leyl/92:14
Mən sizi alovlu bir atəşə qarşı xəbərdar etdim.
Ənam/6:51
Rəblərinin hüzuruna çıxacaqlarına görə həyəcanlananları onunla (Quranla) xəbərdar et. Ondan başqa bir sahibləri və şəfaətçiləri (vasitəçiləri) yoxdur. Bəlkə qorunarlar.
Ənam/6:70
Dinlərini oyun-əyləncəyə çevirənləri və dünya həyatına aldananları burax. Sən bununla (Quranla) xatırlat ki, heç kəs qazandığının fəlakətli nəticəsini çəkməsin. Onun Allahdan başqa bir Sahibi və Şəfaətçisi yoxdur. (O) hər cürə fidyəni versə belə ondan qəbul edilməz. Bunlar, qazandıqlarına görə fəlakətli nəticəyə uğrayanlardır; İnkar etmələri üzündən qaynar sudan bir içkiyə və ağrılı-acılı bir əzaba layiqdirlər.