Bəqərə - 2:26
Allah bir ağcaqanadı hətta onun üzərindəkini örnək verməkdən çəkinməz. İman edənlər, bunun Rəblərindən gələn bir gerçək olduğunu bilər. İnkar edənlər isə "Allah bu bənzətmə ilə nə demək istədi," deyərlər. O, bununla bir çox kəsi azdırar və bir çox kəsi də doğruya yetişdirər. O, bununla sadəcə fasiqləri azdırar.
Allah zalımları yoldan çıxarar:
Nisa/4:115
Doğru yol özünə bəlli olduqdan sonra kim elçiyə qarşı gələr və iman edənlərin yolundan fərqli bir yol seçərsə, onu seçdiyi yönə yönəldər və onu Cəhənnəmə atarıq. Ora necə də pis bir dönüş nöqtəsidir.
Zuxruf/43:36
Kim Rəhmanın mesajına əhəmiyyət verməzsə, ona bir şeytanı istiqamətləndirərik, sonra da onun yoldaşı olar.
Zuxruf/43:37
Həqiqətən, onları yoldan çıxararlar. Buna rəğmən onlar doğru yolda olduqlarını sanarlar.
Zuxruf/43:38
Nəhayət, Bizə gəldiyində, "Kaş ki, mənimlə sənin aranda iki şərq arası qədər uzaqlıq olsaydı; sən necə də pis bir yoldaşsanmış!" deyər.
Əraf/7:30
Bir qrupu doğru yola yönəltdi, bir qrup da azğınlığa layiq görüldü. Onlar şeytanları Allahdan başqa dostlar qəbul etdilər. Amma özlərini doğru yolda sanırlar.