İnsanın nizama salınması: - Sad

Sad - 38:72 "Onu nizama saldığım və ona ruhumdan üfürdüyüm zaman ona səcdə edin."

İnsanın nizama salınması:

Əraf/7:172 Rəbbin, Adəm oğullarının bellərindən soylarını çıxarırkən onları öz-özlərinə şahid tutar: "Mən Rəbbiniz deyiləmmi?" "Bəli, şahidlik edirik," deyərlər. Beləcə dirilmə günü, "Biz bundan xəbərsiz idik," deyə bilməzsiniz.

Hicr/15:28 Rəbbin mələklərə, "Qurumuş, köhnə (illərlə qalmış) palçıqdan bir insan yaradacağam," demişdi.

Hicr/15:29 "Onu hazırlayıb ona ruhumdan üfürdüyüm zaman dərhal onun üçün səcdəyə varın," demişdi.

Rum/30:30 Təkallahlı biri olaraq özünü dinə həsr etməlisən. Həqiqətən, Allah insanları belə bir yaradılış ilə donataraq yaratmışdır. Allahın yaratmasında dəyişiklik olmaz. Bu, tam kamil bir dindir, fəqət insanların çoxu bilməz.

İnsan/76:2 Biz insanı qarışıq bir mayedən yaratdıq ki, onu sınayaq. Buna görə onu eşidən və görən etdik.

İnsan/76:3 Ona yolu göstərdik; ya şükür edəndir, ya da nankor.

İnfitar/82:7 O ki, səni yaratdı, nizama saldı, uyğunlaşdırdı.

Əla/87:2 O ki, yaratdı, nizama saldı.

Bələd/90:8 Ona vermədikmi: İki göz,

Bələd/90:9 Bir dil və iki dodaq?

Bələd/90:10 Ona iki yolu göstərmədikmi?

Bələd/90:11 Halbuki çətin yola tab gətirə bilmədi.

Bələd/90:12 Çətin yolun nə olduğunu bilirsənmi?

Bələd/90:13 Kölələri özgürlüklərinə qovuşdurmaqdır;

Bələd/90:14 Qıtlıq anında doyurmaqdır:

Bələd/90:15 Əqrəba bir yetimi,

Bələd/90:16 Yaxud gücünü itirmiş bir yoxsulu...

Bələd/90:17 Üstəlik, bir-birlərinə səbr və sevgini tövsiyə edən iman edənlərdən olmaqdır.

Bələd/90:18 Həqiqətən, onlar xoşbəxtdirlər.

Şəms/91:7 Nəfsə və onu qaydaya salana,

Şəms/91:8 Sonra da ona pisliyini və müttəqiliyini bildirənə and olsun ki;

Şəms/91:9 Onu təmizləyən qurtulmuşdur.

Şəms/91:10 Onu başıboş buraxan isə zərər etmişdir.

Ayənin Suallarına Keç