Casiyə - 45:14
İman edənlərə söylə ki, Allahın günlərini ummayanları bağışlasınlar. Çünki O, etdikləri işlərə görə bir topluluğa qarşılıq verir.
Hər kəs, hər camaat öz hesabından məsuliyyətlidir:
Şura/42:15
Sən buna dəvət et və sənə əmr edildiyi kimi ən doğru (şəkildə) tətbiq et. Onların arzularına uyma və de ki, "Allahın mənə nazil etdiyi kitaba iman etdim. Sizin aranızda ədalətlə davranmaqla əmr olundum. Allah bizim də Rəbbimiz, sizin də Rəbbinizdir. Bizim işlədiklərimiz bizə, sizin işlədikləriniz isə sizə aiddir. Bizimlə sizin aranızda heç bir mübahisə yoxdur. Bizi Allah bir araya gətirəcəkdir. Axırda dönüş Onadır.
Səba/34:24
De ki, "Sizin üçün göylərdən və yerdən kim qida təmin edir?" De ki, "Allah!" Elə isə biz və ya siz, ya doğru yoldadır, ya da açıq-aydın bir azğınlıq içindədir."
Səba/34:26
De ki, "Rəbbimiz hamımızı toplayar və sonra aramızda gerçəyə görə hökm verər. O Hakimdir, Biləndir."
Bəqərə/2:141
Bax onlar bir camaat idi; gəlib keçdilər. Onların qazandıqları özlərinin, sizin qazandıqlarınız sizindir. Siz onların etdiklərindən sorğu-sual olunmayacaqsınız.
Ənam/6:68
Ayə və möcüzələrimizi lağlağıya qoyanları gördüyün vaxt, başqa bir söhbətə keçənə qədər onlardan üz çevir. Əgər şeytan (bunu) sənə unutdurarsa, xatırladıqdan sonra belə zalım kimsələrlə birlikdə oturma.
Ənam/6:69
Müttəqilər belələrinin hesabından məsuliyyət daşımırlar. Fəqət dinləyə bilərlər deyə xatırlatmaq yaxşı olar.
Səba/34:24
De ki, "Sizin üçün göylərdən və yerdən kim qida təmin edir?" De ki, "Allah!" Elə isə biz və ya siz, ya doğru yoldadır, ya da açıq-aydın bir azğınlıq içindədir."
Səba/34:25
De ki, "Bizim günahlarımızdan siz məsul deyilsiniz, biz də sizin etdiklərinizdən məsul deyilik."
Bəqərə/2:134
Bu keçmişdəki bir camaatdır. Onların qazandıqları onların, sizin qazandıqlarınız sizindir. Siz onların etdiklərindən məsuliyyətli tutulmayacaqsınız.
Bəqərə/2:139
De: “Bizimlə Allah haqqındamı mübahisə edirsiniz? Halbuki O, bizim də Rəbbimiz, sizin də Rəbbinizdir. Biz etdiklərimizə, siz də etdiklərinizə cavabdehsiniz. Biz özümüzü sadəcə Ona həsr etdik."
Bəqərə/2:286
Allah hər kəsi yalnız onun qüvvəsi çatdığı qədər yükləyər. Hər kəsin qazandığı yaxşılıq öz xeyrinə, qazandığı pislik isə öz zərərinədir. “Rəbbimiz, unudar yaxud yanılarıqsa bizi məsul tutma! Rəbbimiz, bizdən öncəkilərə yüklədiyin kimi bizə ağır öhdəliklər yükləmə! Rəbbimiz, gücümüzün çatmayacağı şeyləri bizə yüklətmə! Bizi xoş qarşıla, bizi bağışla və bizə rəhm et! Sənsən bizim Mövlamız (Sahibimiz və Hökmdarımız)! İnkar edən topluluqlara qarşı bizə yardım et!”
Tur/52:21
Soyları tərəfindən izlənən iman edənlərə soylarını da qatarıq və onların etdiklərindən heç bir şeyi əskiltmərik. Hər kəs qazandığı şeylərin bir girovudur.
Ənam/6:52
Səhər-axşam Rəblərinə yalvarıb sadəcə Onun razılığını arzulayanları qovma. Onların hesabından sən məsul deyilsən. Sənin hesabından da onlar məsul deyil. Onları qovsan zalım olarsan.
Yunus/10:41
Səni yalanlayarlarsa de ki: "Mənim etdiyim mənə, sizin etdiyiniz isə sizə (aiddir)! Siz mənim etdiyimdən məsul deyilsiniz, mən də sizin etdiyinizdən məsul deyiləm."
Yunus/10:108
De ki: "Ey insanlar, Rəbbinizdən sizə gerçək gəlmişdir. Kim yola gələrsə, özü üçün yola gəlmiş olar. Kim də azarsa, öz zərərinə azar. Mən, sizə cavabdeh deyiləm."