Nəcm - 53:25 Son da, ilk də Allahındır.
Yardımlarını ümid edərək Allahla yanaşı mələkləri, peyğəmbərləri, din adamlarını və s. tanrılar qəbul edib qulluq edənlərə xatırlatma; Son da (Axirətdə) və İlk də (Dünyada) bütün qərarlar Allaha aiddir.
İnfitar/82:18 Bəli, Din Gününün nə olduğunu bilirsənmi?
İnfitar/82:19 O gün kimsənin kimsəyə yardımı toxunmaz. O gün bütün qərarlar yalnız Allaha aiddir.
Kəhf/18:26 "Onların orada nə qədər qaldıqlarını Allah daha yaxşı bilir," de. Göylərin və yerin bütün gizli şeyləri Onundur. O, nə gözəl görəndir! O, nə gözəl eşidəndir! Onların Ondan başqa bir yardımçısı yoxdur. O, hökmünə kimsəni ortaq etməz.
Həcc/22:56 İdarəetmə və hakimiyyət, o gün tamamilə Allaha aiddir. Onların arasında hökm verəcəkdir. İman edib müttəqi işlər görənlər, nemət cənnətlərindədir.
Loğman/31:33 Ey insanlar! Rəbbinizi dinləyin, atanın övladına yardım edə bilməyəcəyi və övladın da ataya yardım edə bilməyəcəyi gündən qorxun. Allahın sözü gerçəkdir. Dünya həyatı sizi aldatmasın. Aldadıcılar, sizi Allah ilə aldatmasınlar.
Ğafir/40:18 Onları yaxınlaşan gün haqqında xəbərdar et, o zaman ürəklər qırtlaqlarda dayanmışdır, udqunurlar. Zalımlar üçün nə bir dost, nə də sözü dinlənilən bir şəfaətçisi vardır.
Duxan/44:40 Hamısı Qərar Günü toplu şəkildə cəmlənəcəklər.
Duxan/44:41 O gün dost, dostunu heç bir şeydən qoruya bilməz və yardım da görməzlər.
Leyl/92:13 Son da, Əvvəl də Bizə aiddir.
Nəcm/53:19 Gördünüzmü (dişi bütləriniz olan) Lat və Uzzanı?
Nəcm/53:20 Və üçüncüləri olan Mənatı?
Nəcm/53:21 Erkəklər sizin və dişilər Onunmu?
Nəcm/53:22 Necə də insafsız bir paylaşmadır!
Nəcm/53:23 Onlar, sizin və atalarınızın qoyduğu isimlərdən başqa bir şey deyildir və Allah onlar üçün heç bir dəlil nazil etməmişdir. Onlara, Rəblərindən bir yolgöstərici gəldiyi halda, sadəcə zehinlərindəki yanlış düşüncələrinin və şəxsi arzularının ardınca gedirlər.
Nəcm/53:24 (Yoxsa) insan hər umduğuna qovuşacaqdır?
Nəcm/53:25 Son da, ilk də Allahındır.
Nəcm/53:26 Göylərdəki mələklərin belə şəfaəti bir fayda verməz. Ancaq Allahın istədiyi kimsə üçün izin verməsindən və Onun rizasına uyğun olduqdan sonra...
Ayənin Suallarına Keç