Rahmən - 55:33
Ey insanlar və cinlər topluluğu, göylərin və yerin hüdudlarını aşmağa gücünüz yetirsə, aşıb keçin. Bir səlahiyyətə (gücə, imkana) sahib olmadan keçə bilməzsiniz.
Göylərin və yerin sərhədlərini keçəbiləcək səlahiyyətdə olanlar:
Qədr/97:4
Mələklər və Ruh (Cəbrail) o gecə Rəblərinin izni ilə bütün əmrləri yerinə yetirmək üçün enərlər.
Səcdə/32:5
Göydən yerə qədər bütün işləri O kontrol edər. Sonra sizin saydığınızdan min ilə bərabər bir gün içində Ona yüksələrlər.
Məaric/70:4
Mələklər və Ruh (vəhy/komandalar/Cəbrail), əlli min ilə bərabər bir gün içində Ona yüksəlir.
Nəcm/53:5
Onu, böyük gücə sahib olan öyrətmişdir.
Təkvir/81:20
Güclüdür; Yönətimin Sahibi qatından səlahiyyətlidir.
Təkvir/81:19
Bu, şərəfli bir elçinin sözüdür.
Nəcm/53:6
Üstün hakimiyyətin sahibi göründü,
Nəcm/53:7
Ən yüksək üfüqdə.
Nəcm/53:8
Sonra enib yaxınlaşdı.
Nəcm/53:9
Məsafə iki yay qədər və ya daha yaxın oldu.
Nəcm/53:10
Və sonra quluna nə bildiriləcəksə onu vəhy etdi.
Nəhl/16:2
Qullarından istədiyinə, mələkləri vəhylə endirərək, əmrini çatdırır: "İnsanlara xəbərdarlıq edin: Məndən başqa tanrı yoxdur və Məni dinləyin."
Məryəm/19:64
Biz ancaq Rəbbinin əmri ilə nazil olarıq. Keçmişimiz, gələcəyimiz və ikisi arasında nə varsa Ona aiddir. Rəbbin unutqan deyildir.