Vaqiə - 56:3
O, alçaldıcıdır, ucaldıcıdır.
"O alçaldandır": Dirilmə günü alçalanlar.
Qaləm/68:43
Gözləri aşağı salınmış bir vəziyyətdə, onları rəzillik bürüyər. Halbuki onlar sağlam ikən səcdəyə çağırılmışdılar.
Rahmən/55:41
Günahkarlar üzlərindən tanınar və zorla götürülərlər.
Ali İmran/3:106
O gün bəzi üzlər ağarar, bəzi üzlər isə qaralar. Üzləri qaralan kəslərə: “İman etdikdən sonra inkarmı etdiniz? İnkarınıza görə əzabı dadın."
Yunus/10:27
Pislik və günah qazananlara isə pisliyinin eynisi ilə qarşılıq verilər. Üzlərini bir alçalma hissi bürüyər. Allahdan başqa bir qoruyucuları yoxdur. Üzləri sanki qaranlıq gecədən bir parçayla bürünmüşdür. Onlar atəş əhlidir; onlar orada əbədi qalacaqlar.
İbrahim/14:49
O gün günahkarları, zəncirlərə vurulmuş olaraq görərsən.
İbrahim/14:50
Geyimləri qatrandandır və üzlərini atəş bürüyər.
İbrahim/14:51
Beləcə Allah hər kəsə qazandığının qarşılığını verir. Allah tez haqq-hesab çəkəndir.
Ta ha/20:102
Boruya üfürüləcəyi gün, günahkarları o gün göyərmiş (kədərdən üzlərinin bozarmış) olaraq toplayarıq.
Rahmən/55:41
Günahkarlar üzlərindən tanınar və zorla götürülərlər.
Qiyamə/75:24
O gün bəzi üzlər də var ki, qaşqabaqlıdır.
Qiyamə/75:25
Bel sümüyünün qırılacağından narahatdır.
Əbəsə/80:40
O gün bəzi üzlər də pərişan;
Əbəsə/80:41
Zülmət bürümüşdür.
Əbəsə/80:42
Bax onlar inkar edənlərdir, yoldan çıxanlardır.
Məaric/70:43
O gün, məzarlarından tez-tələsik çıxarlar; Qurban daşına sürüklənirlərmiş kimi...
Məaric/70:44
Gözləri dönmüş, özlərini utanc bürümüş olaraq. Bax bu, onlara söz verilmiş olan gündür.
Tovbə/9:63
Bilmədilərmi ki, kim Allah və elçisinə qarşı gələrsə, içində əbədi qalacağı Cəhənnəmə məhkum olar? Bu böyük bir alçaldılmadır.
Ğafir/40:60
Rəbbiniz deyir ki, "Mənə yalvarın, sizə cavab verim." Təkəbbür göstərərək Mənə qulluq etməkdən çəkinənlər, alçaldılaraq cəhənnəmə girəcəklər.