Ənam - 6:69
Müttəqilər belələrinin hesabından məsuliyyət daşımırlar. Fəqət dinləyə bilərlər deyə xatırlatmaq yaxşı olar.
Quranın öyüdləri İnkar edənlərin nifrətini artırır:
İsra/17:41
Biz, öyüd almaları üçün Quranda açıqladıq. Lakin bu, sadəcə onların nifrətini artırır.
İsra/17:45
Quran oxuduğun zaman, səninlə Axirətə iman etməyənlərin arasına görünməz bir əngəl yerləşdirərik.
İsra/17:46
Və onu anlamalarını əngəlləmək üçün qəlblərinə qabıqlar (örtüklər) və qulaqlarına da ağırlıq qoyarıq. Rəbbini yalnızca Quranda xatırladığın zaman nifrətlə geriyə dönərlər.
İsra/17:82
Quranı, iman edənlər üçün bir şəfa və rəhmət olaraq nazil etdik. Zalımların isə ancaq zərərini artırır.
Həcc/22:72
Onlara açıq-aşkar ayələrimiz oxunduğunda, inkar edənlərin üzündə inkarçılığı oxuyarsan. Onlara ayələrimizi oxuyanların üzərinə az qala hücum edəcəklər. De ki, "Bundan daha pisini sizə bildirimmi? Atəş! Allah onu kafirlərə vəd etmişdir. Necə də pis bir aqibətdir!"
Furqan/25:60
Onlara, "Rəhmana səcdə edin!" deyildiyi zaman, "Rəhman da nə imiş? Sənin bizə qarşı müdafiə etdiyin şeyəmi səcdə edəcəyik?" deyərlər. Və bu, ancaq onların nifrətini artırar.
Fatir/35:42
Onlara xəbərdarlıq edən biri getsə, bütün topluluqlardan daha doğru yolda olacaqlarına dair var gücləri ilə Allaha and içdilər. Onlara bir elçi getdiyində, bu vəziyyət, onların ancaq nifrətini artırdı.
Zuxruf/43:78
Sizə gerçəyi gətirdik; ancaq çoxunuz gerçəkdən xoşlanmırsınız.
Nuh/71:5
Dedi ki, "Rəbbim, mən xalqımı gecə-gündüz çağırdım."
Nuh/71:6
"Amma çağırışım onların qaçmasını artırmaqdan başqa şeyə yaramadı."