Buruc - 85:12 Doğrusu, Rəbbinin yaxalaması çox çətindir (şiddətlidir).
Doğrusu, Rəbbinin yaxalaması çox çətindir (ağırdır): Məqsəd nədir?
Qiyamə/75:9 Və günəş ilə ay bir araya toplandığı zaman,
Qiyamə/75:10 O gün insan oğlu, "Qaçacaq yer haradadır?" deyər.
Qiyamə/75:11 Xeyr, bir sığınacaq yoxdur.
Ğafir/40:32 "Xalqım, sizin üçün Toplanma Günündən qorxuram."
Ğafir/40:33 "O gün arxanızı çevirib qaçacaqsınız; ancaq sizi Allahdan qoruyacaq olan yoxdur. Allahın yoldan çıxartdığına yol göstərən tapılmaz."
Fussilət/41:47 Saatın (dünyanın sonunun) bilgisi Onun qatındadır. Onun bilgisi olmadan nə meyvələr qabıqlarından çıxa bilər, nə də bir dişi hamilə qalar və ya doğar. "Hanı Mənim ortaqlarım, haradadır?" deyə onlara səsləndiyi gün, onlar: "Heç birimizin buna şahidlik etmədiyini Sənə ərz edirik," deyərlər.
Fussilət/41:48 Daha öncə yardım üçün çağırdıqları (dinə ortaq qoşduqları kəslər) onlardan uzaqlaşmışdır. Artıq qaçacaq bir yerləri olmadığını anlayarlar.
Duxan/44:16 Əsl o böyük yaxalama ilə  yaxaladığımızda öc (intiqam) alarıq.
Duxan/44:47 Onu yaxalayın və cəhənnəmin ortasına sürüyün.
Duxan/44:48 Sonra başına qaynar su əzabından tökün.
Duxan/44:49 "Dad görək; sən çox üstün və şərəfli idin!"
Duxan/44:50 "Bu, məhz şəkk edib durduğunuz şeydir."
Haqqə/69:25 Kitabı solundan verilənlərə gəlincə, onlar, "Kaş ki, kitabım mənə verilməsəydi," deyər,
Haqqə/69:30 Tutun, bağlayın onu.
Haqqə/69:31 Və sonra cəhənnəmdə yandırın.
Nəhl/16:77 Göylərin və yerin gizliləri Allaha aiddir. Saat, (dünyanın sonu) bir göz qırpması qədər və ya daha qısadır. Allah hər şeyə Gücü Yetəndir.
İsra/17:51 "Yaxud sizə görə qeyri-mümkün görünən bir formaya girin, fərq etməz." Buna qarşılıq, "Bizi kim geri döndərəcək," deyəcəklər. De ki: "Sizi ilk öncə kim yaratdısa O!" Sonra başlarını sallayıb, "Yaxşı, nə zaman?" deyəcəklər. De ki: "Bəlkə düşündüyünüzdən daha yaxın..."
Əhzab/33:63 İnsanlar səndən Saatı (dünyanın son saatını) soruşur. De ki, "Onun bilgisi Allahın qatındadır; Nə bilirsən, bəlkə də o Saat yaxındır."
Şura/42:17 O Allah ki, kitabı gerçək və ədalətlə nazil etmişdir. Nə bilirsən, bəlkə Saat (dünyanın sonu) yaxındır.
Qamər/54:50 Əmrimiz göz qırpması kimi anidir.
Məaric/70:5 İndi sən gözəl şəkildə səbr et.
Məaric/70:6 Onlar onu uzaq görürlər.
Məaric/70:7 Biz isə onu yaxın görürük.
Məaric/70:8 Gün gələcək, göy ərimiş metal kimi.
Məaric/70:9 Dağlar isə atılmış yun kimi olar.
Nəbə/78:40 Biz, sizə yaxın bir əzab ilə xəbərdarlıq etmişik. O gün insan etdiklərinə baxar və inkar edən isə, "Kaş ki, torpaq olsaydım!" deyər.
Ələq/96:15 Doğrusu, buna son qoymasa, tutarıq kəkilindən,
Ələq/96:16 O yalançı və günahkar kəkilindən.
Ələq/96:17 O zaman haydı çağırsın qurultayını.
Ələq/96:18 Biz də zəbaniləri çağıracağıq.
Kəhf/18:52 "Ortaqlarım olduğunu iddia etdiyiniz şəxsləri çağırın," deyə əmr etdiyi gün, onları çağırarlar, onlar da onlara qarşılıq verməzlər. Onların arasına bir öfkə və nifrət uçurumu qoymuşuq.
Kəhf/18:53 Günahkarlar atəşi gördülər və içinə düşəcəklərini anladılar; ondan qaçacaq bir yer də tapa bilmədilər.
Ayənin Suallarına Keç